mini-banner-gif

“Uttaradhikari – ଉତ୍ତରାଧିକାରି” Odia Manalobha Kabita ra lekhaka Himanshu Parida

Spread the love

“Uttaradhikari ” Odia Manalobha Kabita ra lekhaka  Himanshu Parida

ଉତ୍ତରାଧିକାରି

ତୁମେ ମୋର ଅସମ୍ପୂର୍ଣ ସ୍ଵପ୍ନ ର ଉଚ୍ଚାରଣ
ମୋର ଶେଷ ସମ୍ବାଦ ହିଁ ତୁମର ଜନମ
ଏହା ଥିଲା ମୋର ଚରମ ପ୍ରତୀକ୍ଷା
ଠିକ ସମୟ ରେ ତୁମର ହେଲା ଆଗମନ
ଇତିହାସ ରେ ଆଉ ଫାଙ୍କ ନ ଥିଲା
ମୋର ଶେଷ ହେବା ର ଠିକ ପୂର୍ବରୁ
ତୁମର ସୃଷ୍ଟି ହୋଇସାରିଥିଲା ।
ଖାଲି ଅପେକ୍ଷା ବାକି ଥିଲା
ଧୀରେ ଧୀରେ ଭବିଷ୍ୟତର
ବଂଶଧର ଗାଢ ଚାଲିଥିଲା ।
ସେମାନେ ତ ଆରମ୍ଭରୁ
ଶିଖିଥିଲେ ଅଥବା ତାଙ୍କର
ପ୍ରକୃତିଗତ ଥିଲା
ତାଙ୍କୁ କିଛି ଶିଖିବାର ନଥିଲା
ମୋ ଠାରୁ
ମୁଁ ଯାହା ଜାଣିଥିଲି
ସେ ସବୁ ସମୟ ର ତୀବ୍ର ସ୍ରୋତ ରେ
ପୁରୁଣା ହୋଇଥିଲା।
ସେମାନଙ୍କୁ ସ୍ଵାଗତ କରିବାକୁ ହେବ
କାରଣ ନୂତନ ଯୁଗ ର ସେମାନେ ପ୍ରତୀକ ଥିଲେ
ତାଙ୍କୁ କିଛି ଶିଖିବାର ନଥିଲା
କାରଣ ସେମାନେ ନୂତନ ଭାବ ରେ
ସ୍ଵୟଂ ସମ୍ପୂର୍ଣ ଥିଲେ।


No comments.

Leave a Reply