Kichhi Odia Lekhakanka Lekhani ru – Lekhak Soumya Saraswata Dash #Odia #Odish

Spread the love

Odia kabita – Kichhi Odia Lekhakanka Lekhani ru “କିଛି ଓଡିଆ ଲେଖକଙ୍କ ଲେଖନୀ ରୁ ପଦେ ……”- Lekhak Soumya Saraswata Dash #Odia #Odisha

ବର୍ଷାମୁଖର ସଞ୍ଜରେ…

ନିଃସଙ୍ଗତା ସହ କବିତାଟିଏ ଲେଖିବସିଲା ବେଳେ,

ଶବ୍ଦମାନେ ହେଇଯାଆନ୍ତି ନିର୍ବାକ,

ଠିକ୍ ଯେମିତି ଜହ୍ନ ପାଲଟିଯାଏ ପଥର,

ତାରାମାନେ ଆଖି ସମ୍ମୁଖରେ ଟଳିପଡ଼ୁଥିବାବେଳେ…

odia kabita eodisha.org

==========================

ମୋ ରଙ୍ଗିନ୍ ସହରରେ,

ତମେ ବିଞ୍ଚିଦେଲ ମୁଠାମୁଠା ଅନ୍ଧକାର, 

ଆଉ ମୁଁ ସବୁ ସାଉଁଟି ରଖିଲି, 

ମୋ ହୃଦୟର ଗମ୍ଭିରୀ ଭିତରେ, 

ମୁଁ ଜାଣିଥିଲି, 

ଅନ୍ଧକାର ନିହାତି ଜରୁରୀ, 

ନୂଆ ନୂଆ ସ୍ୱପ୍ନ ସବୁ ଦେଖିବା ପାଇଁ…

==========================

ତମେ ମୋତେ ଭଲ ପାଅ କି ନ ପାଅ,

ମୁଁ କିନ୍ତୁ ଭଲ ପାଏ ,ନିଃସର୍ତ୍ତ, ନିରବଛିନ୍ନ …

ଆଉ ଅପେକ୍ଷା କରେ,

ଏକାକୀତ୍ୱ ସହ ଏକ ନିରୋଳା ଶୀତ ସଞ୍ଜକୁ,

ଯେବେ ତୁମ ଉଷୁମ୍ ଚୁମ୍ବନ ସହ ମୁଁ ପାଇଯିବି ମୋକ୍ଷ,

ପଥପ୍ରାନ୍ତର ପାଷାଣୀ ଅହଲ୍ୟା ପରି…

==========================

ବେଳେବଳେ ଇଚ୍ଛା ହୁଏ,

ତୁମ ଓଠର ରଙ୍ଗରେ,

ଲେଖି ଦିଅନ୍ତି,ମୋ ପରିଣତ ବୟସର ଦସ୍ତାବିଜ୍,

 ଅଥଚ଼…

ତୁମ ଗୋଟିଏ ପ୍ରତ୍ୟୁତ୍ତରରେ,

ସ୍ୱପ୍ନ ସବୁ ବତୁରି ଯାଆନ୍ତିଝଡ଼ି ବର୍ଷାର କାଗଜଡଙ୍ଗା ପରି…

==========================

ତୁମକୁ ଭଲ ପାଇବା ଆଗରୁ,

ମୁଁ ସାଇତି ରଖେ ପାପୁଲିଏ ନିଃଶ୍ୱାସ,

ମୁଁ ଜାଣେ,

ଅଣନିଃଶ୍ୱାସୀ ହେଇଯିବାଟା ସ୍ୱାଭାବିକ୍,

ଖାସ୍ ତୁମକୁ ପ୍ରେମ କଲା ପରେ…

==========================

ତୁମ ସିନ୍ଥିରେ ସିନ୍ଦୁର ଦେଖିଲେ,

ମୋ ହୃତ୍ ପିଣ୍ଡରେ ଛୁରୀ ଚଲେଇ ଦିଏ,

ମୋ ଅସହାୟତା…

ତଥାପି ମୁଁ ହସେ,

ତମ ଖାଲି ପାଦକୁ,

ମୋ ରକ୍ତବିନ୍ଦୁ ସଜେଇ ଦେଲା ପରେ…

==========================

ତମେ ମୋତେ କଣ ବୋଲି କହିବ?

ଯଦି ମୁଁ କହେ ମୁଁ ଭଲ ପାଏନି କିଆ,କେତକୀ,

ଅଥବା ସତେଜ ଦେହ ପାଇଁ ଫୁଲେଇ ହେଉଥିବା ଗୋଲାପକୁ…

ବରଂ ମୁଁ ପ୍ରେମ କରେ,

ମଧୁ ସଞ୍ଜକୁ ମହକେଇ ଦେଉଥିବା ମଧୁମାଳତୀକୁ…

==========================

ବସନ୍ତ ପାଲଟି ଯାଏ ବୟସ୍କ,

ଯେତେବେଳେ ତୁମେ ସାଉଁଟୁ ଥାଅ,

ବଉଳର ବାସ୍ନା ସାଙ୍ଗେ ଦରଫୁଟା ଯୌବନ,

ଆଉ ମୁଁ ଖୋଜୁଥାଏ ତୁମ ଓଠର ଉଷ୍ମତା,

ଚଇତିର ଚୁମ୍ବନ ମଧ୍ୟରୁ…

==========================

ତୁମ ପ୍ରତ୍ୟେକ ଈଶାରାରେ,

ପଥିକ ପାଲଟି ଯାଏ ତୃଷାର୍ତ୍ତ…

ଆଉ ତୁମେ ଢାଳିଦିଅ ଆଞ୍ଜୁଳାଏ ଶୋଷ,

ମରୀଚିକାର ଅପର ପାର୍ଶ୍ବରୁ…

 


Comments are closed.